حاجاڻو، محمد يعقوب، مولانا: مولانا محمد يعقوب ولد سونهارو خان حاجاڻو ناليوارو عالم ۽ تحريڪ آزاديءَ جو سرگرم ڪارڪن ٿي گذريو آهي. هن 26 جنوري 1912ع ڌاري ديهه لياري، تعلقي پٿوري ۾ جنم ورتو. ابتدائي عربيءَ جي تعليم ’دارالعلوم ولهيٽ‘ تعلقي عمرڪوٽ ۾ ورتائين. ان بعد ’دارالعلوم قراني‘ تعلقي پٿوري ۾ فقهه ۽ حديث جي تعليم پوري ڪري، ٻيهر ’دارالعلوم ولهيٽ‘ ۾ باقي رهيل ڪتاب ۽ تفسير پڙهيو.
تعليم جي تحصيل کانپوءِ سياست ۾ حصو ورتائين ۽ ’خلافت تحريڪ‘ جو سرگرم ڪارڪن رهيو. خلافت تحريڪ جي خاتمي بعد ’انڊيا ڪانگريس'>آل انڊيا ڪانگريس‘ ۾ رهيو. 1938ع ڌاري ’خاڪسار تحريڪ‘ ۾ شامل ٿيو ۽ ورهاڱي تائين ان ۾ سرگرم رهيو. حڪمرانن خلاف سرگرم سياست جي ڪري سول نافرمانيءَ جي ڏوهه ۾ قلم 307 هيٺ ٻن سالن لاءِ ڊسٽرڪٽ جيل ملتان ۾ قيد رهيو. جيل مان آزاد ٿيڻ کان پوءِ وڌيڪ سرگرم ٿيو ڳوٺن ۽ شهرن ۾ وڃي ماڻهن ۾ سياسي شعور بيدار ڪرڻ لاءِ ڪم ڪرڻ لڳو. ’خاڪسار‘ تحريڪ، تعلقي پٿوري جو سالار مقرر ٿيو. هن هارين جي حقن لاءِ ڊگهي جدوجهد ڪئي.
1912.01.26 عيسوي
هن 26 جنوري 1912ع ڌاري ديهه لياري، تعلقي پٿوري ۾ جنم